斷食19.5hrs後第一餐
以前要食足3餐，還食量不少啊，但會好快有餓感，就會再搵野食，去年10月尾開始睇中醫（4月起冇睇啦！），醫師建議一些做法，有些要戒食和減少正餐以外再進食，包括營養補充品，因有些是難消化，先調理脾胃，後逐步嘗試再吃。
我知道若完全配合的話效果會快見效，的確有時會唔聽話，所以情況會慢/反覆/變差，因為有時會吃得過份咗，不過經歷頻密多次失眠或睡得很差時（我一向都冇瞓覺恩賜😂），就會認真思考問題出了哪，病從口入這常識無人唔知道，當然也有各方面因素影響睡眠質素（情緒/運動/早睡），我唔擔心缺運動，但我知道主要是從飲食影響較多。
大約在第5波疫情後，很多時只會食兩餐，天光前和起身後會有餓感，初時早餐最難捱，不過也漸漸適應過來，大約1-2星期前，因受腸胃影響，只吃1餐，跟著我順勢試行食1餐，試過兩次後，身體算是能適應，今日又繼續試行，但我不會勉強，留意身體狀態。
總括，由每日食兩餐開始，甚至只吃1餐，身體其實不用食太多，每餐份量也可減少，腸胃舒服咗，運動如常有力，個人精神咗，少咗聚會完和黃昏時會狂打呵欠，因為減少了消耗身體能量去消化，不知不覺胃腩細咗，腹部firm咗啲啲🤭
最近多留意斷食資訊帶來身體的好處，原來係好多好多，身體的自我修復都靠斷食時進行，神造的身體太奇妙啦！
不過要慢慢來，留意個人體質和狀況，不要勉強，唔得唔使死，斷食唔係唔食野咁簡單㗎，要有正確知識去實行，勉強弄壞身子仲衰啦！
# 魚骨一次過啜晒
# 有剩的留明天
沒有留言:
發佈留言